
	ԾՆԵԲԵԿԸ` ԸՆԿՈՒՅԶՈՎ


30 րոպե		3 անձի		Արցախ

	Բաղադրություն
	1 կապ ծնեբեկ ½ բ. ընկույզ ¼ բ. եռման ջուր 2 ճ. գ. քացախ մի քանի թերթիկ ազատքեղ սև պղպեղ աղ

Պատրաստություն

• Աղաջրի մեջ թեթևակի խաշել ծնեբեկը և ջրքամել: Մանրացնել կանաչին, ավելացնել աղացած ընկույզի վրա, լցնել մյուս բաղադրիչները, խառնել և լցնել ծնեբեկի վրա:


	ՍՄԲՈՒԿՈՎ ԹԹՈՒ


1 ժամ		2 լ կարաս		Նոր Ջուղա

	Բաղադրություն
	1 կգ սմբուկ 2 գազար 1 կարմիր պղպեղ 1 կանաչ պղպեղ 1 գլուխ սխտոր 1 փունջ խառը կանաչի հատիկ պղպեղ դափնետերև քացախ աղաջուր (1 լ ջրին + 70 գր խոշոր աղ )

Պատրաստություն

• Սմբուկը թեթևակի խաշել, թողնել ջրքամվի և սառչի: Քերել գազարը, մանրացնել բանջարեղենն ու կանաչին և խառնել: Սմբուկը ճեղքել երկայնքով և լցոնել միջուկով. ապա դասավորել ապակյա լայնաբերան կարասի մեջ, եռացնել աղաջուրը, խառնել նույն քանակությամբ քացախ և լցնել վրան: Պահեստավորել սառը տեղում:


	ՃԱՃԻԿ


30 րոպե		2 անձի		Վան

	Բաղադրություն
	½ լ մածուն 1 ձու 1 վարունգ 1 սոխ 1 պճեղ սխտոր 1 բազուկ կանաչի աղ

Պատրաստություն

• Առանձին-առանձին խաշել բազուկն ու ձուն: Թողնել սառչի:
• Էլեկտրահարիչով մանրացնել ձուն, բազուկը, վարունգը, կանաչին, սոխն ու սխտորը:
• Խառնել մածունը և մատուցել հացի հետ:


	ՋԱՎԻ (ԲԱԶԿԻ ՁՈՂՈՒՆ) ԹԹՈՒ


30 րոպե		1 լ կարաս		Լոռի

	Բաղադրություն
	1 կապ բազկի ջավ ½ փունջ սամիթ 2 պճեղ սխտոր աղաջուր (1 լ ջրին + 70 գր խոշոր աղ )

Պատրաստություն

• Թեթևակի խաշել մանրացված ձողունը և դասավորել ապակյա կարասի մեջ (նախորոք տեղադրել համեմունքն ու կանաչին), եռացնել աղաջուրը և լցնել վրան: Պահեստավորել սառը տեղում:


	ԿԱՆԱՉ ՊՂՊԵՂԻ ԹԹՈՒ


30 րոպե		3 լ կարաս		Հայկական

	Բաղադրություն
	1 կգ կանաչ պղպեղ 1 գլուխ սխտոր ½ փունջ սամիթ ½ փունջ ազատքեղ հատիկ պղպեղ դափնետերև աղաջուր (1 լ ջրին + 70 գր խոշոր աղ )

Պատրաստություն

• Պղպեղը ճեղքել և դասավորել ապակյա կարասի մեջ (նախորոք տեղադրել համեմունքն ու կանաչին). եռացնել աղաջուրը և լցնել վրան: Պահեստավորել սառը տեղում:

Եթէ ուզում էք ամրացնել կափարիչը, 3 օր անց, դատարկել աղաջուրը, եռացնել, նորից լցնել բանջարեղենի վրա և հատուկ փակիչով ամրացնել կափարիչը:


	ԿԱՆԱՉ ԼՈԼԻԿՈՎ ԹԹՈՒ


20 րոպե		1 լ կարաս		Արցախ

	Բաղադրություն
	1 կգ կանաչ լոլիկ ½ փունջ սամիթ հատիկ պղպեղ դափնետերև աղաջուր (1 լ ջրին + 70 գր խոշոր աղ )

Պատրաստություն

• Լոլիկը դասավորել ապակյա կարասի մեջ (նախորոք տեղադրել համեմունքն ու կանաչին), եռացնել աղաջուրը և լցնել վրան: Պահեստավորել սառը տեղում:


	ՊԱՆՐՈՎ ՊԱԶՐԿԱՆԻ


15 րոպե		4 անձի		Մուսալեռ

	Բաղադրություն
	1 լոլիկ 1 պղպեղ 1 սոխ 1 թթու վարունգ կանաչի ձիթայուղ 100 գր պանիր կամ կաթնաշոռ ծիթրոն, կարմիր և սև պղպեղ քիմիոն, 7 համեմունք, դարչին, աղտոր

Պատրաստություն

• Քերել պանիրը, համեմել և լցնել ափսեի կենտրոնում:
• Հերթաբար մանրացնել բանջարեղենը և դասավորել պանրի կողքերը:
• Լցնել ձեթ և մատուցել թարմ կամ չորացրած հացով ու լավաշով:


	ԽԱՌԸ ԹԹՈՒ ՄՈՇՈՎ


1 ժամ		3 լ կարաս		Արցախ

	Բաղադրություն
	½ կգ կաղամբ 3 կանաչ պղպեղ 2 գազար 3 վարունգ ½ կգ ծաղկակաղամբ 1 բ. կիսախակ մոշ կարոս (կարավուզ) հատիկ պղպեղ դափնետերև աղաջուր (1 լ ջրին + 70 գր խոշոր աղ )

Պատրաստություն

• Մանրացնել բանջարեղենը, դասավորել ապակյա կարասի մեջ (նախորոք տեղադրել համեմունքն ու կանաչին), եռացնել աղաջուրը և լցնել վրան: Պահեստավորել սառը տեղում:


	ՊԱՍՏԵՂՈՎ ՁՎԱԾԵՂ


10 րոպե		2 անձի		Ախալքալաք

	Բաղադրություն
	100 գր պաստեղ 1 ճ. գ. յուղ 2 ձու

Պատրաստություն

• Տաքացնել յուղը, տապակել շերտված պաստեղը, ավելացնել հարած ձուն և եփել:


	ԹԻՐԻԹ


5 րոպե		4 անձի		Տիգրանակերտ

	Բաղադրություն
	խաշած ձու կանաչ սոխ ազատքեղ սև պղպեղ աղ

Պատրաստություն

• Մանրացնել ձուն, վրան լցնել մանրացված կանաչին և համեմել:


	ԴԴՈՒՄՈՎ ԲՈՐԱՆԻ


15 րոպե		2 անձի		Բասեն

	Բաղադրություն
	200 գր դդում 1 բ. մածուն ½ բ. թթվասեր փոշի անանուխ աղ

Պատրաստություն

• Մանրացնել, խաշել, ապա ջրքամել դդումը:
• Սառչելուց հետո, ավելացնել մածունն ու թթվասերը, խառնել անանուխը:


	ՍՈԽԱԹԱՆ


10 րոպե		4 անձի		Աշտարակ

	Բաղադրություն
	½ կգ քամած մածուն ½ կգ սոխ աղ

Պատրաստություն

• Մանրացնել սոխը և թեթևակի խաշել եռացող աղաջրի մեջ:
• Ջուրը քամել,թողնել սառչի:
• Խառնել մածունին և մատուցել:

լոբով աղցան


	ԷՃՃԻԿ


50 րոպե		6 անձի

	Բաղադրություն
	1 կապ սպանախ 1 կապ խառը կանաչի 1 սոխ 1 բ. ալյուր 3 ձու ձեթ կարմիր և սև պղպեղ աղ թացանի համար ½ լ մածուն 2 ճ. գ. թթվասեր 1 կապ սպանախ 1 պճեղ սխտոր համեմի սերմ աղ

Պատրաստություն

Մանրացնել սպանախը, սոխն ու կանաչին:

Ավելացնել ալյուրը, ձուն և համեմունքները և խառնել:

Տաք ձեթի մեջ տապակել գդալ առ գդալ: Մի կողմը եփվելուց հետո, շուռ տալ մյուս կողմը:


	ՔՈՒ - ՔՈՒ


45 րոպե		6 անձի

	Բաղադրություն
	1 կապ սպանախ 1 կապ խառը կանաչի 1 սոխ ½ բ. ալյուր 3 ձու ձեթ կարմիր և սև պղպեղ աղ

Պատրաստություն

Մանրացնել սպանախը , սոխն ու կանաչին:

Ավելացնել ալյուրը, ձուն և համեմունքները և խառնել:

Տաք ձեթի մեջ լցնել խառնուրդը և եփել մարմանդ կրակով. ապա շուռ տալ և եփել մյուս կողմը:


	ԱՄՈՒ ՃԱՇ


40 րոպե		4 անձի		Գորիս

	Բաղադրություն
	1 կգ մանր կարտոֆիլ (ոչ մատղաշ , սովորական ) 2 ճ.գ. ձեթ կամ յուղ ½ բ. սալորաչիր ½ բ. հոնաչիր սամիտ սև պղպեղ աղ

Պատրաստություն

• Լվացել կարտոֆիլը և տապակել:
• Ավելացնել չրերն ու սև պղպեղը. մարմանդ կրակով շոգեխաշել:
• Լցնել կանաչին և կրակն անջատել :


	ԱՎԵԼՈՒԿՈՎ ԱՂՑԱՆ


1 ժամ		6 անձի

	Բաղադրություն
	½ կապ ավելուկ 1 ս.բ. ձեթ 3 սոխ 1 պճեղ սխտոր ½ բ. ընկույզ համեմ թթու լավաշ կարմիր և սև պղպեղ աղ

Պատրաստություն

• Խաշել,ջրքամել և կտրատել ավելուկը:
• Սոխարածի վրա ավելացնել ավելուկը, համեմել, տապակել և կրակն անջատել:
• Ավելացնել մանրացված կանաչին, ճզմված սխտորը, մանրացված ընկույզը և շերտված թթու լավաշը:

Մատուցելիս զարդարել թթվասերով:


	ԼՈԲՈՎ ԱՂՑԱՆ


10 րոպե		6 անձի

	Բաղադրություն
	2 բ. խաշած լոբի 1 ս.բ. ձեթ 2 սոխ 1 պճեղ սխտոր ½ բ. ընկույզ համեմ համեմի սերմ կարմիր և սև պղպեղ աղ

Պատրաստություն

• Սոխարածը լցնել լոբու վրա և համեմել:
• Ավելացնել մանրացված կանաչին, ճզմված սխտորը և մանրացված ընկույզը:


	ԺԱԺԻԿ


10 րոպե		6 անձի

	Բաղադրություն
	200 գր կաթնաշոռ 50 գր պանիր 1 պղպեղ ½ կապ համեմ ½ կապ սամիթ կարմիր և սև պղպեղ աղ

Պատրաստություն

• Կարագն ու կաթնաշոռը խառնել և համեմել:
• Ավելացնել մանրացված կանաչին և պղպեղը:


	ՊԱՆՐԱԽԱՇ


10 րոպե		6 անձի

	Բաղադրություն
	200 գր հորած պանիր 1 ճ. գ. յուղ 1 սոխ 1 չորացրած լավաշ

Պատրաստություն

• Սոխարածի վրա ավելացնել թել – թել եղած պանիրը և կրակն անջատել:
• Ավելացնել փշրած լավաշը:

Կերակրացանկ

Սիրով Սոնիայից